BEM VINDO 8 GOVERNO; ESTRUTURA HO NIA INTEGRIDADE

PM TAUK KOALIA LOLOS?
Maofi Perreira

Realidade balu mai dadaun ona katak kampane nee kampane maibe depois imi fo poder mai,ho kuelker ami nia maneira; tuir mai AMI MAK ATUR. Karik mensajen nemak dadaun politikus sira hato’o ba publiku. Maski nune, ita apresia povu Timor Leste nebe respeita rezultadu Elisaun Ancipada liu ba, katak     ho nia rezultadu nebe diak los tamba povu fo poder maioria absoluta (34 kadeira iha Parlamentu) ba AMP forma Governu hodi responde prekupasaun povu.

KAMPANE REMATA ONA, PODER HETAN ONA, AGORA UKUN ONA. PROBLEMA SA TAN?

PM ATUAL TAUK KOALIA LIA LOS DUKE VINGANCA

Rezultadu elisaun nebe mak diak tuir kedas ho politique vingansa husi elite politik AMP konaba formasaun governu (ho nia estrutura) nebe sira rasik mak forma. Hahu indijitasaun PM nebe mosu konflitu internal to’o formasaun estrutura 8 governu nia suar sai to’o buka dalan tertati-tati, i dun tanba Prezidenti da Republika mak impede. Elite AMP hatene hela katak, Lei koalia PR mak hili membru governu baseia proposta Premeiru Ministru maibe prekupasaun PR nian sobre ingridade estrutura hato'o tiha ona antes PM hato'o nia proposta. Tamba ne’e, wainhira la fo posse ba membru sira balu divia PM halo polemika maibe hare took AKTU PR tuir lei ka lae? Se ita konfirma fali ba PM actual konaba kancelamentu membro 11 ne’e nia kontradis mak ida nebe? Ou hatan to’ok perguntas sira ne’e: SEMAK HATETE KATAK “ ITA LA BELE UKUN HO SIRA NEBE FOER ONA (FRETILIN NO CNRT)”(kala kampane ne’e kampane duni). Realidade mak, atu hetan poder LAOS FASIL no ikus mai ita hotu hein nia kontinusaun katak KAMPANE NEE KAMPANE, maibe ita nia integridade hodi koalia korupsaun oinsa? Publiku asiste hela situasaun ne’e hanesan AFIRMASAUN KATAK ESTRUTURA 8 GOVERNU TENKE LIVRE HUSI AKTU KORUPSAUN (DONA ISABEL). Biar ita halo defesa ba situasaun ne’e tambá poder, maibe tuir lolos poder hanesan responsabilidade ida nebe mak povu entrega ba ita hodi luta ba sira nia moris diak liu husi partidu politik. Buat sira ne’e hotu LAOS MONU IHA DALAN mak publiku konsumu maibe realidade mak PM atual rasik ejize.

SEMAK TU’UR IHA KARGU? Dala ruma poder nemos halo ema lanu, se nia lanu ona nia sei brani liu tan hodi ejize buat hotu-hotu. Elisaun nee laos hili ida diak liu maibe ATU PREVENE IDA AT LIU HODI MOSU (Frans Magnis Suseno). Peritu nee koalia los, maibe ida ATU AKONTECE IHA TIMOR LESTE DALA RUMA LA REFLETE HOTU.

PM atual sei MANTEIN LISTA NEBE ENTREGA ONA BA Prezidenti da Republika, ne’e significa katak NIA RASIK LA FIAR AN HODI HALO BUAT NEBE NIA RASIK KOALIA NO PUBLIKU EJIZE. Nia hatene katak nia poder politique la to’o hodi forma polemika iha internal AMP, nia mos hatene katak todan ida mak sei lori programa ba parlamentu nacional. MANTEIN LISTA NE’E MOS, Nia hatudu SINTIDU TAUK LIU GRUPU KORUPTOR duke KOALIA LOLOS ba nia povu hodi afirma Hisik Kosar ba Moris Diak. MANTEIN LISTA, nudar opsaun nebe nia rasik mak OPTA  i nia rasik mak rezeita. Esperanca 8 Governo hodi garantia ba povu nia diak no hadiak jestaun estadu, hamenus KKN, no hodi hametin nasaun?

Koruptor Diak Liu Tau Iha To’os  KORUPTOR ( Ou Kebun Binatang), Atu Nune Labarik Sira Bele Ba Vizita HODI HARE NO SIRA BELE IHA MO’E; Mahfud MD.

AROGANCIA PODER SUBAR IHA FAKTUS NIA KOTUK

Akontece iha tinan kotuk (2017) ba negociasaun forma 7 governu PLP dehan Mari Alkatiri-Fretilin mak iha arogancia no ambisaun liu ba poder hodi hada’o hotu! Dala ruma los tambá Mari Alkatiri mos mehi insedencia husi CNRT maibe at-liu mak partidu Koligasaun (Fretilin, PD, Khunto) compete meja parlamentu ho kandidatu CNRT nian, iniciu nebe baralha no kartu negociu nakfilak ba AMP. Karik buat sira ne’e atetude nebe mak elite-antigu subar ba publiku hodi TAKA DALAN BA MALU? Sira rasik deklara sai moris diak ba ema barak maibe realidade !!!!(Imi hakiak Democracia-Oligarki). 
Elisaun ou kompetisaun meja parlamentu 2017 nudar iniciu 7 Governu la hetan apoia maski nia programa diak ba povu. Politikus sira  fiar liu KARTEL POLITIK duke realidade nebe mak halo iha oin hodi ema hotu asiste. Perguntas makne’e TEBES GA MARI ALKATIRI MESAK AROGANCIA GA PLP MOS? Realidade katak sira hotu-hotu arogancia, "ida isin kiik hakarak han bot, seluk isin bot hakarak RAUT HOTU". Publik hare katak tan poder elite sira ne'e la-hamosu dalan ruma ba konsensus (REALIDADE AROGANCIA PODER 1). 
   
Ho impasse ne'e, PR ho-nia competência atu husu tan fali povu hodi vota tan dala ida liu husi EA, no 2018 partidu tolu (CNRT, PLP, no KHUNTO) ho Estratejia AMP e sira manan elisaun anticipada ho absoluta (34 kadeira). Depois rezultadu ne’e, iha Parlamentu Nacional AMP ba-ho bankada ketak-ketak (laos bankada AMP) nemos hatudu katak sira NAKFERA (sinal hada’o malu hahu sata la biban). Aliende NAKFERA, iha mos kemungkinan Alianca nia formatu muda (governu monu dalan klaran). Ou Bankada keta-ketak mos KONFIRMA katak semak iha ambisaun liu ba poder? Tamba deit hotu hotu ejize sai chefi bankada mesmu hare husi ETIKA la merece tamba ANTES NEE PR ho tribunal fo sai ona katak sira hatene deit mak partidu AMP, Fretilin, PD, no FDD. Entau bankada parlamentar nebe refere ba partido tolu iha AMP konfirma deit katak chefi banakda nudar kargu seluk nebe sira tenke hetan (REALIDADE AROGANCIA PODER 2). 
   
Wainhira ita hare katak AMP nakfera ba bankada ona ho CNRT kadeira 21, bankada PLP  ho kadeira 8, no bankada Khunto kadeira 5. Politikamente ita hare husi poder katak klaru tebes  partidu CNRT mak kontribui bot liu iha Alianca Mudanca Progresu no merese liu sai PM maibe realidade lae. Iha indikasaun AMP NAKFERA TAMBA HADA'O MALU PM (REALIDADE AROGANCIA PODER 3).

Integridade Politik, RETORIKA NEBE DIAK TEBES 

Ita hotu koalia hamutuk ba moris diak ema barak, nemak difinisaun politik tuir Aristoteles. Mesmu difinisaun nune, Ita nia logika iha Timor Leste bele muda buat hotu tamba ema sira ne’e deit mak dicidi politik. Sira ne’e heroi libertador ho ida-idak nia kolen, ita RESPEITA BA SIRA TAMBA DEDIKASAUN NEBE SIRA HALO ONA BA NASAUN. Agora sira rasik mak koalia politik, sira mak koalia democracia, i sira mak kaer ukun duni. Sira mak avalia malu, sira mak la konkorda malu, no sira mak koalia liberta povu. Ita asiste iha ninin no grupu kiik ida nebe hale’u iha sira nia sorin aproveita. REALIDADE " PAUN UKUN AN, SIRA FAHE MALU HODI HALO TRANSAKSI POLITIK, PAUN UKUN AN SIRA FAHE MALU HODI AFIRMA NAFATIN MAUN-ALIN DEIT MAK FUNU, PAUN UKUN AN SIRA FAHE HODI HALO KARTEL POLITIK UZA PODER PUBLIK. ITA TENKE KONCEDERA KATAK  ESPERENCIA NEBE MAK LIU ONA NO TO'O AGORA HATUDU; DECIJAUN PUBLIK BARAK MAK AKONTECE IHA KOTU-KOTUK OU MEJA OKOS, OU LA LIU HUSI DECIJAUN FORMAL. KARIK NEMAK ITA BOLU LIDER HO NIA INTEGRIDADE IHA TEMPU UKUN AN"?

Luta naruk hau la partencia maibe TERUS tamba luta ne’e karik ema hotu iha Timor Leste hola parte ho nia terus no mate. Sira nebe mate no lakon mak afirma argumento luta hodi ba ukun rasik an. dala ruma sira nia mate nemak fo esperitu ba komadante hodi luta nafatin, i dala ruma sira mate mak ukun an ne’e lori Prezidenti da Republika, lori Premeiru Ministru, no  Prezidenti Parlamentu Nacional hodi ita hada’o malu iha tempu democracia. Sira nia mate mak lori ita hodi harii AUTORIDADE nebe ikus mai ita hada’o malu e hodi uza atu liberta povu. Depois independencia, hotu-hotu comunga LIAFUAN LIBERTA POVU, MAIBE OINSA SIRA NIA HAHALOK ATU ASEGURA NO HALO BA PRATIKA? TEBES JERASAUN FOUN ATU APRENDE IDA NE’E? 

OH INTEGRIDADE, O SO BELE TEMI DEIT!!!!!!!!!!!!! INTEGRIDADE KATAK ITA HALO BUAT NEBE MAK ITA KOALIA. Maofi_Remata.