Governu Taur tenki Harii Nia integridade hodi hetan fiar husi Publiku

NOTA BALU; ba 8 Governu ho-nia Servisu sira molok Perpara OGE 2021

Nota 1: Konfirma fali Funsaun OGE 2021. Premeiru Ministru Taur Matan Ruak sei apresenta fali proposta OGE 2021 ba Parlamentu Nacional fulan Outubru 2020. Saida mak sai prekupasaun antes elabora Planu Asaun Annual (PAA 2021)? Ita hotu rekonece katak Orcamentu Jeral 2019 no OJE 2020 liu-ba la-dun reflete ninia funsaun (alokasaun, distribuisaun, no estabilidade; Musgrave) no kontra kriteriu sira nebe uza hodi avalia decijaun governu I ses mos husi orcamentu nebe ho-baze desempenho. Ida ne’e esensi nebe TMR tenki hatudu hodi hetan konfianca publiku liliu prekupasaun ekonomia-povu agora no ba future.

Nota 2: Funciona planeamentu nacional. Baze ida sai save tebes ba governu hodi alkanca mehi estado (moris diak povu no Timor Leste Tenki ba Oin i Buras liu). Governu TMR tenki iha planu nebe diak ho-baze vizaun estadu no 8 Governu nia mehi atu sai realidade. Planumentu nebe diak, tenki hetan apoia  DADUS NEBE KREDIBEL. No dadaun Timor Leste iha problema bot ba sentru dadus nacional e oinsa uza dadus, maski ita iha ona Diresaun Geral Estatistika, kontribuisaun universidade, ajencia/ONG, no governo ho-nia menisteriu sira.  Sentralizasaun dadus ne’e sai referencia sira ne’ebe ajuda governu hodi traxa planu nacional nebe diak. Difikuldade planu durante ne’e, aliende dadus, oinsa utiliza dadus, inklui vontade politik elite sira. PM iha ona esperencia konaba OJE 2019 no 2020 nebe tendencia ba konsumu liliu ha-bokur makina estadu. I PM mos halo ona reflesaun tamba sa mak membru governu sira ho Komisaun Revisaun Orcamentu NUNKA RONA PM nia orientasaun antes elabora OJE sira liu ona? Wainhira governu ha-mosu planu nebe diak e tenki reflete kondisaun riil; presija elabora vizaun sira  nebe mak iha hodi sai programa, no ikus liu public hare iha atividade nebe governu traxa.

Nota 3: Re-forma Administrasaun Publiku. Public mos prekupa oinsa mak iha jestaun administrasaun public nebe opta nebe sadere ba principio sira iha konseitu boa governasaun. Wainhira iha administrasaun nebe la-efetivu  no la-efesiente sei ha-mosu despeza sira nebe arbiru I menus los iha ninia desempenho. Problema bot iha administrasaun public durante nemak: prosesu rekrutamentu faila, partiderizasaun funsaun publiku, no profesionalismu-MUKIT. Estadu nia mehi-bot atu alkanca tenki iha rekursu umanu nebe kompeten, e oinsa atu hetan ema nebe iha kompetencia presija liu husi rekrutamentu nebe diak. Governu Fraku tebes iha asuntu ne’e no tamba nemak dala barak sempre hasoru “ema kompetencia diak tu’ur iha fatin nebe mak sala ou ema iha kompetencia sempre lakon iha prosesu rekrutamentu sira funsaun publiku”. Problema Kredibilidade ekipa juri no nia kompetencia rasik, material sira atu konfirma kandidatu nia merito tuir nececidade nebe iha, no saida mak sira hetan wainhira sai funcinariu publiku? Problema tuir mai mak rekrutamentu politik iha kuelker governu sira liu-ba no atual. Iha ema lubun mak sai funcinariu/ajente administrasaun publiku ho tipu kontratadu no iha apoia ekipa teknika seluk ho salariu wow ($1,500 – 7,500) maibe nia servisu nein iha balansu ho-saida mak nia hetan. Ida ne’e desmotivu e FALTA KONCEDERASAUN ba funcinariu publiku rekrutadu nebe servisu kleur ona iha area refere ho-level salarial $115 – 240 maioria. Ida nemos halo funsaun publiku nebe ho esperitu servi  imparsial, professional, no mamar sai lakon fali. Profesionalismu iha funsaun publiku sidauk atinji tan: Nomeisaun versus rekrutamentu por merito iha funsaun publika rhare husi ealidade balu nudar "slogan mamuk". Hau kontinua ho nomeisaun deit, lolos nomeia ema los ba fatin nebe mak los (kontrariu los). Iha pratika sira iha funsaun publiku liliu lina ministerial no instituisaun autonomia halo nomeisaun deit mos sala. Ex. Instituisaun sofre iha jestor kontrola interna, maibe wainhira dirijente maximu halo nomeiasaun ida hodi prense pozisaun ne’e ho-intensaun atu maximaliza servisu kontrola nian, maibe realidade akontece seluk. Dirijenti sira nomeia fali ema iha area seluk nebe koalia jestaun kontrola interna la-iha (satan nia merito mukit liu). Komisaun Funsaun publiku estabelece regime rua: Geral no Especial. Governu ha-mosu regime especial ho-intensaun profesionaliza servisu funsaun publiku iha area espesifiku inklui nia renumerasaun mos defirenti ho funcinariu sira babain (regime jeral) maibe bele sai kontrariu iha aspetu justice tan realidade iha kampo liliu ba sira nebe hetan regime especial la-hatudu nia prestasaun (Ex. Dosente UNTL, nia tenki halo nia knar bazeia ba tres pilares akademika nebe kompostu husi: hanorin, peskiza, no obedece ba sociadade; realidade sira halo deit ida ho-salariu regime especial). Nemak halo profesionalismu iha funsaun publiku mukit los to’o ohin loron e maski prezidenti funsaun publiku truka ona dala rua.

4: Ha-forca kontrola interna (KI). Atu garantia governasaun diak presija kontrola interna nebe forte hodi asegura funcionamentu sistema kontrola ne’ebe governu kria ona. Elementu ne’ebe importante liu hodi harii integridade  governasaun iha instituisaun publiku ho-pratika imparcial e mamar. Atu hetan fiar husi public ba aparatur estadu  hatudu husi servisu ou atendementu ida ke diak nudar rezultadu. E papel kontrola interna nia presenja hodi kontribui dalan avaliasaun bebeik. Aliende ne’e, papel seluk kontrola interna mak; halo prevensaun antes liu-husi nia servisu kontrola interna ho alerta nafatin ba jestor sira atu halo servisu la-bele ses husi sistema. Tan ne'e, presija  iha lei nebe regula regorosu sobre FUNSAUN KI iha instituisaun public sira atu jestor sira la bele sai obstaklu wainhira hala’o nia servisu (durante ne’e kontrariu, iha instituisaun balu laliga servisu KI I isola tan). Jestor sira rekonece katak papel prevensaun importante tebes, e ekonomikamente nia kustu kiik-liu (efesiente) duke akontece tiha mal jestaun mak foin bolu auditor externa sira (selu karu) e pois hetan openiun no halo kurativu ho kustu bot. Faktus sira akontece ona hanesan: halo investementu ho-montante osan wow ba ponte kais Hera, aspal dili laran ne’ebe la-to’o tinan 5 at fali ona, jestaun patremonio estadu kada instituisaun la-kontrola obriga gastus estadu ba manutensaun nebe bot liu fali folin patremonio ne'e rasik, nsst. KI atu halo nia papel; governu tenki fo nia autoridade hodi halo avaliasaun (tenki ho-meritu) bebeik no produs rekomendasaun ha-diak iha kuelker ezekusaun atividade sira iha instituisaun public antes ano fiscal remata. Realidade ne’ebe akontece; jestor sira la-dun funciona servisu KI, regimentu interna atu regula servisu KI menus, facilidade apoia servisu KI menus, e iha instituisaun estadu balu KI ninia estrutura iha diretur jeral nia okos. Se governu TAUR koalia governasaun diak maka; Ha-forca KI ho esperanca katak sei bele garantia desempenho ezekusaun atividade sira hodi hasa’e prestasaun, produtividade, no kualidade servisu publiku.

Ho postura politik foun (alianca Fretilin, PLP, Khunto, no PD) public iha esperanca bo’ot hodi re-afirma funsaun OGE. e tau ema kompeten hodi re-estrutura OGE nebe bazeia ba desempenho PM ho-nia kompetencia tomak tuir hau nia opinion sujere  hadiak planeamentu nacional, kria governasaun diak iha instituisaun estadu, atensaun ba efetividade servisu sistema judisiariu, no hare fali mega projetu sira nebe obriga despeza bot maibe atualmente sidauk necesariu ho-kondisaun riil. Atu Atinji objetivu no prekupasaun sira ne’e hare uluk kestaun kraik ne’e:

1.      PM tenki iha Ekipa ekonomia nebe forte. Forma ekipa ekonomia nebe efetivu no ha-hases interece partidaria ho-konsumu vizaun “Timor Tenki ba Oin e buras liu”. Estabelece ekipa nebe iha kapacidade diak hodi intrudus vizaun sira ne’e ba programan no atividade planu asaun annual (inklui membro governu sira). Hau duvida tebes, pratika governasaun anterior mosu fali deit " Politik FAHE PAUN, LAOS POLITIK DESENVOLVE ESTADU".

2.      Halo Re-estrutura politik fiscal liliu JESTAUN OGE 2021 hodi konfirma funsaun orcamentu estadu. E tuir hau, Investementu estadu ba Edukasaun, Saude, no Agrikultura nudar setor baze TENKI HA-SAE TAN (30 PURSENTU nebe durante nee la too 15%), setor ekonomia seluk 10%, investementu ba infraestrutura liliu liron no ponte rural (Suco-Posto-Municipio) 10%, investe ba mega projeto sira 10%, SUSTENTA makina estadu 20%, no investementu social 20%. Hau iha esperanca, Governo TMR Esplora realidade ekonomia povu Timor Leste nebe dependencia ba moris setor agricultura e ohin loron husik hela nia to’os no natar hodi halai ba produtu agrikultura husi Vietnam, Thailand, no Indonezia nudar referencia naton hodi intrudus ba atividade.

3.      Efektividade servisu Komisaun Revisaun Orcamentu. Konfirmasaun prioridade sira nebe mak difini ona ba planu asaun annual 2021 kada ministeriu no instituisaun autonomia sira e tenki tuir alokasaun nebe dicidi ona. Presija hare servisu Unidade Planeamentu e Monitorizasaun no Avaliasaun (UPMA), realidade OJE 2020 baralha i ne’e reflecte sira nia servisu. Parte seluk, UPMA tuir esperencia nebe kada tinan hirak liu-ba halo mak: muda OJE kada ministério ou instituisaun liu sistema viroment e mudanca baralha tiha Planu Asaun Anual nebe aprova iha PN.

4.      Promove Governasaun Diak ho funcionamentu sistema kontrola interna atu halo avaliasaun bebeik ba hodi garantia boa governasaun.  

Nota sira iha leten nudar opniun ida ba governu da-walu liliu PM Taur Matan Ruak loke fila e konfirma iha OJE 2021. Nota nemos fo honoin politikus sira iha conjuntura politique foun depois OGE 2020 xumba iha parlamentu nacional, atu laos deit hanoin fahe kadeira ba malu maibe kadeira ne'e nudar responsablidade ba povu (estadu).  Presija publik hatene katak, ita nia politique fiscal des-de 2007 tesik mai maioria konsuntivu ho-despeza ala Keyness maibe do'ok husi setor prpodutivu e ninia desempenho ba sustentablidade ekonomia mukit liu.